అఖిల భారత ఆదివాసీ ఉద్యోగుల సంఘం
బహుజన భావజాలంతో స్థాపించబడిన మొట్టమొదటి ఆదివాసీ సంఘం
సమస్యలు లేని ఆదివాసీల భవిష్యత్తే మా లక్ష్యం. కృతజ్ఞత – బాధ్యత, సంక్షేమం – అభివృద్ధి, ఉన్నత లక్ష్యాల సాధనే మా ధ్యేయం.
రిజిస్ట్రేషన్ 965 / 2019
పిడికిలి బిగించిన చెయ్యి — జై భీమ్
సంఘం గురించి
రిజర్వేషన్లు మాత్రమే పని పూర్తి చేయలేదని గ్రహించి పుట్టిన సంఘం
స్వతంత్ర భారతావనిలో ఏడు దశాబ్దాలకు పైగా రిజర్వేషన్లు అమలులో ఉన్నప్పటికీ, ఎస్టీల (ఆదివాసీల) అక్షరాస్యత ఇప్పటికీ 50 శాతం కూడా దాటలేదన్న వాస్తవాన్ని గ్రహించిన తరువాత — జాతీయస్థాయిలో బహుజన సిద్ధాంత భావజాలంతో స్థాపించబడిన మొట్టమొదటి ఆదివాసీ ఉద్యోగుల సంఘం ఇదే (రిజి. 965/2019).
రిజర్వేషన్ల ఫలాలను అనుభవిస్తున్న అధికారులు, ఉద్యోగులే ఈ సంఘం పునాది. ఆ ఫలాలను అందించిన సమాజానికి తిరిగి రుణం తీర్చుకోవాలన్నదే సంఘం మౌలిక సిద్ధాంతం. "Pay Back to Your Society" అంటూ బాబా సాహెబ్ అంబేద్కర్ ఇచ్చిన పిలుపును నిత్య కార్యాచరణలోకి తీసుకురావడమే మా పని.
దేశంలోని అన్ని రాష్ట్రాలు – కేంద్ర పాలిత ప్రాంతాలు, జిల్లా – అసెంబ్లీ నియోజకవర్గ – మండల కమిటీలతో పాటు NRI (విదేశీ) కమిటీ ద్వారా సంఘం పనిచేస్తోంది.
మా లక్ష్యం
సమస్యలు లేని ఆదివాసీల భవిష్యత్తు — ఉద్యోగాలకే పరిమితం కాకుండా అన్ని రంగాల్లో నాయకత్వం.
మా ధ్యేయం
కృతజ్ఞత – బాధ్యత; సంక్షేమం – అభివృద్ధి; అంబేద్కర్ నిర్దేశించిన అత్యున్నత లక్ష్యాల సాధన.
మా చిహ్నం
పిడికిలి బిగించి పైకెత్తిన చెయ్యి — జై భీమ్. బోధించు, పోరాడు, సమీకరించు అన్నదే దాని వెనుక కార్యాచరణ.
స్ఫూర్తి ప్రదాతల మార్గం
మేము అనుసరిస్తున్న బహుజన పితామహులు – మాతామహులు
జాతీయ అధ్యక్షుల సందేశం
డా. దేవరకొండ వెంకటేశ్వర్లు
సంఘం అపెక్స్ బాడీ చీఫ్ కో-ఆర్డినేటర్ & జాతీయ అధ్యక్షులు · డిప్యూటీ ఇంజనీర్, గ్రామీణ మంచినీటి సరఫరా విభాగం · గౌరవ డాక్టరేట్, ఫిబ్రవరి 2021
మీకు మా హృదయపూర్వక జై భీమ్‌లు. ఏడు దశాబ్దాలకు పైగా రిజర్వేషన్లు అమలులో ఉన్న భారతావనిలో ఇప్పటికీ ఆదివాసీల అక్షరాస్యత 50 శాతం కూడా దాటలేదన్న వాస్తవాన్ని గ్రహించిన తరువాతే ఈ సంఘం ఏర్పడింది.
అభివృద్ధి సూచికల ప్రకారం భారతీయ ఆదివాసీ జనాభాలో కనీసం పదవ వంతు ప్రజానీకం కూడా సామాజికంగా సంతృప్తిగా లేరన్నది కఠోర వాస్తవం. ఈ రుగ్మతలను పారద్రోలడానికి కేంద్ర, రాష్ట్ర ప్రభుత్వాలు వాటి వాటి సిద్ధాంత–భావజాలాలకు అనుగుణంగా వాటి పరిధుల్లో కృషి చేస్తూనే ఉన్నాయి. అయితే రిజర్వేషన్ల ఫలాలను అనుభవిస్తున్న లబ్ధిదారుల్లో అధిక శాతం మంది సామాజిక కృతజ్ఞతను – బాధ్యతను విస్మరించారన్నది అర్థమవుతోంది. ఈ సత్యాన్నే బాబా సాహెబ్ అంబేద్కర్ తాను పరినిర్వాణం చెందే కొన్ని నెలల ముందు ఢిల్లీ సభలోను, ఆగ్రా సభలోను తేటతెల్లం చేస్తూ "Pay Back to Your Society" అని నినదించారు.
కానీ అతి కొద్ది స్థాయిలో మాత్రమే ఈ నినాదం ఆచరణలోకి వచ్చింది. ఈ నినాదాన్ని పూర్తి స్థాయిలో కార్యాచరణలోకి తెచ్చి, తొలిగా ఎస్టీలలో అక్షరాస్యతను 100 శాతానికి చేర్చాలన్న మౌలిక లక్ష్యంతో ఈ సంఘం స్థాపించబడింది. అందుకోసమే "ఆదివాసీ ఆవాసాల చైతన్య యాత్ర"ను, "సంపూర్ణ ఆదివాసీ అక్షర ఉద్యమాన్ని" సంఘం ప్రారంభించింది.
రాబోయే 10 ఏళ్ళలో 18 సంవత్సరాలలోపు వయస్సున్న ప్రతి ఆదివాసీ బిడ్డను విద్యావంతులను చేయడానికి వివిధ రూపాలలో ఈ సంఘం కృషి చేసి నిశ్చితంగా సఫలీకృతమై, ప్రపంచ దృష్టిని ఆకర్షిస్తుందనడంలో మాకు ఎటువంటి సంశయము లేదు. సామాజిక, విద్య, ఉద్యోగ, ఉపాధి, ఆర్థిక, రాజకీయ, శాస్త్ర–సాంకేతిక, సాంస్కృతిక, న్యాయ, మీడియా, క్రీడా తదితర రంగాలలో ఈ సంఘం పని చేస్తుంది. మీకు మా హృదయపూర్వక ధన్యవాదాలు.
7 భాగాలతో 21 సంఘ లక్ష్యాలు
సంఘ లక్ష్యాలు
సంఘ రాజ్యాంగంలో, డైరీలో ఉన్న క్రమంలోనే ఈ 21 లక్ష్యాలు ఇవ్వబడ్డాయి. ఏ భాగాన్నైనా తెరిచి చదవండి.
- 02
అత్యంత వెనుకబడిన జాతుల సంపూర్ణ అభివృద్ధితోనే దేశ సమగ్రాభివృద్ధి సాధ్యపడుతుందనే సమర్థ పాలకుల సందేశాన్ని ఆచరించుట.
- 03
కేవలం విద్య, ఉపాధి, ఉద్యోగ రంగాల్లో పాక్షికంగా పరిమితమైన ఆదివాసీలను వాటితో పాటు సామాజిక, సాంస్కృతిక, సాంకేతిక, సాహిత్య, వైజ్ఞానిక, వ్యవసాయ, ఆర్థిక, వ్యాపార–వాణిజ్య, పారిశ్రామిక, పాత్రికేయ, పాలన తదితర రంగాలన్నింటిలో ఉన్నతులుగా నిలబెట్టడంకోసం కృషి.
- 04
సకల రంగాలలో అత్యంత వెనుకబడిన ఆదివాసీలను సమాజాన్నంతటికీ నాయకత్వం వహించేటట్లుగా సిద్ధం చేయుట (సమర్థవంతమైన నాయకులను తయారు చేసే కర్మాగారంగా సంఘం పని చేస్తుంది).
- 05
ప్రపంచ మేధావి భారతరత్న డా. బి.ఆర్. అంబేద్కర్‌చే రచించబడిన భారత రాజ్యాంగాన్ని సమూలంగా పరిరక్షించుట.
- 06
రాజ్యాంగం ద్వారా సంక్రమించబడిన రిజర్వేషన్స్, అట్రాసిటీ యాక్ట్‌తో పాటు వివిధ రూపాలలో ఉన్న హక్కులను, అవకాశాలన్నింటిని పరిరక్షించుట.
- 07
రాజ్యాంగంలో రిజర్వేషన్ అనే పదానికి బదులుగా రిప్రజంటేషన్ అనే పదాన్ని చేర్పించేందుకు బాటలు వేయడంతో పాటు మారుతున్న సమకాలీన పరిస్థితులను బట్టి అన్ని రకాల నూతన హక్కుల కోసం, అవకాశాలకోసం కృషి.
- 08
73 సంవత్సరాల రిజర్వేషన్ చరిత్రలో నేటికి కూడా 50 శాతం దాటని దేశవ్యాప్త ఆదివాసీల అక్షరాస్యతా శాతాన్ని 100 శాతానికి చేర్చుటకు కృషి. ఇప్పటికే ఉభయ తెలుగు రాష్ట్రాల్లో ఈ సంఘం "సంపూర్ణ ఆదివాసీ అక్షర ఉద్యమాన్ని" ప్రారంభించింది. దీనిని దేశమంతటా విస్తృత పరచడానికి కృషి.
- 09
యువతీ–యువకుల దేశీయ ఉన్నత విద్యతో పాటు విదేశీ విద్య కొరకు ఇప్పటికే ప్రారంభించబడిన అవగాహనా తరగతులను దేశమంతటా వ్యాప్తి చేయుట.
- 10
ఆదివాసీలతో పాటు అన్ని కేటగిరీల నిరుద్యోగ యువతీ–యువకులకు గ్రూప్-4 నుంచి సివిల్ సర్వీసెస్ వరకు ఆన్‌లైన్ (Zoom) ద్వారా ప్రతిరోజు ఉచిత తరగతులను ఏడాదిగా నిర్వహిస్తున్నాము. ఇది నిరంతరం కొనసాగించుటకు కృషి (దీని వలన కొన్ని స్థాయిల్లో బ్యాక్‌లాగ్ పోస్టులు భర్తీ అవుతాయి).
- 11
అన్ని ప్రభుత్వ శాఖల్లో అన్ని స్థాయిల ఉద్యోగాల్లో బ్యాక్‌లాగ్ ఖాళీలను ప్రభుత్వాలచే భర్తీ చేయించుటకు కృషి.
- 12
ప్రమోషన్స్‌లో రిజర్వేషన్స్ అనే ప్రక్రియకు అడ్డంకిగా ఉన్న అడెక్వసీ (Adequacy) అనే పదం ఉన్న జి.ఓ.లను రద్దు చేయించుటకు లేక సవరించుటకు కృషి (ఇప్పటికీ ఆమోదం పొందని 117 రాజ్యాంగ సవరణ బిల్లులోని అంశాలను పరిశీలించవలసినదిగా మనవి).
- 13
ప్రైవేటు రంగాల్లో రిజర్వేషన్స్ సాధనకు కృషి.
- 14
రాజ్యాంగం ద్వారా సంక్రమించబడిన మరియు వివిధ ప్రభుత్వాలచే రూపొందించబడిన సంక్షేమ మరియు అభివృద్ధి పథకాలపై ఆదివాసీలకు అవగాహన కలిగించుట.
- 15
వేలాది సంవత్సరాలుగా సామాజిక రుగ్మతలైన వర్ణ వ్యవస్థ–కుల వ్యవస్థ వలన ఛిద్రమైన బహుజనుల బ్రతుకులను బాగు చేసిన బహుజన పితామహుల–మాతామహులతో పాటు మన ముందు తరాలకు చెందిన నాయకుల యొక్క వాస్తవికమైన జీవిత చరిత్రలను వెలుగులోకి తెచ్చుటకు కృషి.
- 16
బహుజన పితామహుల–మాతామహుల స్ఫూర్తిని, చైతన్యాన్ని సర్వసాధారణ ప్రజలకు సైతం చేర్చుటకు అవకాశం ఉన్నంత వరకు సంఘ సమావేశాలను ఆదివాసీ కాలనీల్లో – ఆవాసాల్లోనే నిర్వహిస్తున్నాము. సమావేశాల ప్రారంభానికి ముందు ఆయా ఆవాసాల్లో – కాలనీల్లో ఇంటింటి పలకరింపు యాత్రని నిర్వహిస్తున్నాము. వాటిని కొనసాగించేందుకు కృషి.
- 17
డా. బి.ఆర్. అంబేద్కర్ యొక్క బోధించు, పోరాడు, సమీకరించు అనే నినాదాలతోపాటు "Pay Back to Your Society" అనే సందేశాన్ని మరియు వారు నిర్దేశించిన అత్యున్నత లక్ష్యాల సాధనకు కృషి.
- 18
NRI (విదేశీ) కమిటీతోపాటు దేశంలోని అన్ని రాష్ట్రాల – కేంద్ర పాలిత ప్రాంతాల కమిటీలను, జిల్లా – అసెంబ్లీ నియోజకవర్గాల – మండలాల కమిటీలను మరింత బలోపేతం చేయుటకు కృషి.
- 19
వందేళ్ళకు పైబడిన సువర్ణ చరిత్రను సంఘానికి సృష్టించడం కోసం "సంఘ పునాదుల నిర్మాణం" అనే కార్యక్రమంలో భాగస్వాములవుతున్న నాయకులకు మరియు వారి కుటుంబాలకు వివిధ రకాలుగా సంఘం నిత్యం అండగా ఉండడమే కాకుండా, సంఘం యొక్క వందో వార్షికోత్సవంలో (2119 సం॥) వారిని గాని, వారి వారసులను గాని అత్యున్నత పురస్కారంతో సత్కరించే విధంగా సంఘాన్ని తయారు చేస్తుంటాం.
- 20
ఆదివాసీల అన్నిరకాల సమంజసమైన ఆలోచనలను, అభిప్రాయాలను, సలహాలను, సూచనలను పరిగణనలోకి తీసుకొని సంఘ శ్రేయస్సే లక్ష్యంగా వాటి ఆచరణకు కృషి.
- 21
భారత రాజ్యాంగం యొక్క స్ఫూర్తితో రూపొందించబడిన సంఘం యొక్క రాజ్యాంగాన్ని తూ.చ. తప్పకుండా అమలు చేసేందుకు కృషి.
సంఘం సాధించిన విజయాల్లో కొన్ని
సంఘం ఇప్పటికే సాధించిన 21 విజయాలు
కరోనా మహమ్మారి వలన 2020లో పోషణార్థం ఇబ్బందులు పడుతున్న ఎస్టీలతో పాటు వివిధ వర్గాల్లో పేదరికంలో ఉన్న సుమారు 9 వేల కుటుంబాలకు 10 లక్షల రూపాయల ఖర్చుతో 123 సేవా కార్యక్రమాల ద్వారా బియ్యం, వంట సరుకులు, కూరగాయలు వగైరా ఉచితంగా పంపిణీ చేయడం జరిగింది.
మొత్తం 105 జూమ్/ఆన్‌లైన్ సమావేశాల ద్వారా రాష్ట్ర, జిల్లా, నియోజకవర్గ, మండల కమిటీల ఏర్పాటుతో పాటు బహుజన సిద్ధాంత భావజాలాల వ్యాప్తి కొరకు శిక్షణా తరగతులు నిర్వహించడమైనది.
వాలంటీర్స్, గ్రామ/వార్డు సచివాలయ ఉద్యోగాల్లో అనేక మంది ఎస్టీ నిరుద్యోగులకు అన్యాయం జరిగే క్రమంలో సంబంధిత అధికారులతో మాట్లాడి రూల్ ఆఫ్ రిజర్వేషన్‌ను పటిష్టంగా అమలు చేయడం జరిగింది.
ఫారెస్ట్ డిపార్టుమెంట్ అధికారులతో మాట్లాడి గుంటూరు జిల్లా పిడుగురాళ్ళ సమీపములోని యానాది కుటుంబాలకు చెందిన భూముల్లో దశాబ్దకాలంగా పెండింగ్‌లో ఉన్న బోర్డు వేయు కార్యక్రమాన్ని చేపట్టడమైనది.
ప్రభుత్వ ఉద్యోగులకు పెండింగ్‌లో ఉన్న ప్రమోషన్స్ ఇప్పించుటకు అనేక మందికి సహకరించడమైనది.
ప్రభుత్వ ఉద్యోగులకు పెండింగ్‌లో ఉన్న సర్వీస్ మేటర్స్ విషయంలో అనేక మందికి న్యాయం చేయడమైనది.
ఆదివాసీ పేద ప్రజానీకానికి ఆయా ప్రాంతాల్లో ఉన్న ఆధిపత్య వర్గాలతో ఘర్షణ వాతావరణాల్లో పేదల పక్షాన నిలబడి వారికి న్యాయం చేయడమైనది.
ప్రభుత్వ టీచర్స్ సర్వీసులో ఉండి పై చదువులు చదువుకోటానికి అవకాశం కల్పించే జి.ఓ.ను రద్దు చేసే క్రమంలో ఉన్నత అధికారులతో మాట్లాడి ఆ 342 జి.ఓ.ను పునరుద్ధరించడమైనది.
ప్రభుత్వ ఉద్యోగులకు బదిలీలు, డిప్యూటేషన్ల నిర్వహణా క్రమంలో ఎస్టీలవైపు నిలబడి అనేక మందికి న్యాయం చేయడమైనది.
విద్యార్థులకు, నిరుద్యోగులకు నూతన ఐ.ఏ.ఎస్., ఐ.పి.ఎస్. అధికారులతో ఇంటరాక్షన్ ప్రోగ్రామ్ నిర్వహించడమైనది.
బహుజన భావజాలం కలిగిన క్యాలెండర్స్‌ను ముద్రించి ఆదివాసీ కుటుంబాలకు పంచే కార్యక్రమం కొనసాగుతుంది.
రిజర్వేషన్స్ జి.ఓ.లతో పాటు సర్వీసు మేటర్‌కి సంబంధించిన వివిధ రకాల జి.ఓ.లను డైరీలో పొందుపరచి ఆదివాసీ ఉద్యోగులకు పంపిణీ చేయడం జరుగుతుంది.
ఆదివాసీల్లోని ప్రతి ఉద్యోగిని లీడర్లుగా తయారు చేసే కార్యక్రమం కొనసాగుతుంది.
ఆదివాసీలలో 50 శాతం లోపు ఉన్న అక్షరాస్యతను 100 శాతం సాధించుటకు సంపూర్ణ ఆదివాసీ అక్షర ఉద్యమాన్ని ప్రారంభించడమైనది.
పేద ఆదివాసీ ఆవాసాల్లోకి ఆదివాసీ అధికారులను, ఉద్యోగులను తీసుకువెళ్ళి చైతన్య యాత్రను నిర్వహించే కార్యక్రమం కొనసాగుతుంది.
నిరుద్యోగ యువతీయువకులకు ప్రభుత్వ ఉద్యోగాల పోటీ పరీక్షల కొరకు జూమ్/ఆన్‌లైన్ ద్వారా ఉచిత కోచింగ్ సెంటర్ సంఘంచే నిర్వహించబడుతూ ఉన్నది.
అనేక మంది అతి నిరుపేద విద్యార్థిని, విద్యార్థులకు సంఘంచే వివిధ రకాల సహకారం అందించడమైనది.
కరోనా మొదటి దశ, రెండవ దశల్లో ఆరోగ్య పరంగా ఇబ్బందులు ఎదుర్కొన్న అనేకమందికి అండగా నిలబడి సకాలంలో వైద్య సేవలు అందించడమైనది.
వివిధ కారణాలచే నిరాశ్రయులైన ఆదివాసీ కుటుంబాలకు వివిధ రకాలుగా సహకారం అందించడమైనది.
ఉద్యోగులు మరియు సామాన్య ప్రజలు ఎదుర్కొంటున్న సామాజిక వివక్షలకు వ్యతిరేకంగా సంఘం వివిధ రకాలుగా కృషి చేస్తోంది.
తెలంగాణా రాష్ట్ర అధ్యక్షురాలు శ్రీమతి మరకాల ప్రసన్న కుమారి గారిచే ఆ రాష్ట్రంలో అనేక సామాజిక సేవా కార్యక్రమాలు నిర్వహించబడుతున్నాయి.
కొనసాగుతున్న కార్యక్రమాలు
సంఘ కార్యాచరణ
సంపూర్ణ ఆదివాసీ అక్షర ఉద్యమం
ఉభయ తెలుగు రాష్ట్రాల్లో ప్రారంభమై దేశమంతటా విస్తరిస్తోంది. లక్ష్యం — పదేళ్ళలో 18 ఏళ్ళలోపు ప్రతి ఆదివాసీ బిడ్డ చదువులో ఉండాలి, 100 శాతం అక్షరాస్యత సాధించాలి.
గ్రూప్-4 నుంచి సివిల్స్ వరకు ప్రతిరోజు ఆన్‌లైన్ తరగతులు
అన్ని కేటగిరీల నిరుద్యోగ యువతీ–యువకులకు జూమ్ ద్వారా ప్రతిరోజు ఉచిత తరగతులు. ఫీజు లేదు, ప్రవేశ పరీక్ష లేదు — బ్యాక్‌లాగ్ పోస్టుల భర్తీయే లక్ష్యం.
ఆదివాసీ ఆవాసాల చైతన్య యాత్ర
అధికారులు, ఉద్యోగులు అత్యంత పేద ఆవాసాల్లోకి వెళతారు. ప్రతి సమావేశం ప్రారంభానికి ముందు ఆ కాలనీలో ఇంటింటి పలకరింపు యాత్ర నిర్వహిస్తారు.
ప్రమోషన్లు, బదిలీలు, బ్యాక్‌లాగ్, రూల్ ఆఫ్ రిజర్వేషన్
పెండింగ్‌లో ఉన్న ప్రమోషన్లు, డిప్యూటేషన్లు, బదిలీలు, బ్యాక్‌లాగ్ ఖాళీలను సంబంధిత శాఖలతో సంఘం చేపడుతుంది. సంబంధిత జి.ఓ.లను వార్షిక డైరీలో ప్రచురిస్తుంది.
బహుజన, లౌకికవాద నాయకులచే జూమ్ ద్వారా నిర్వహించబడిన 43 శిక్షణా తరగతులు
| # | వక్త | అంశం |
|---|---|---|
| 38 | Devarakonda Suresh | Famous Mountaineer Late Malli Mastan Babu |
| 1 | Sirra Karuna Raju, IAS | బహుజన సమాజ నిర్మాణంలో ఉద్యోగుల పాత్ర |
| 2 | Mallepalli Lakshmaiah (Writer) | ఆదివాసీ హక్కులు — అంబేద్కర్ కృషి |
| 3 | Theegala Venkataiah | అంబేద్కర్ పట్ల ఆదివాసీల వైఖరి |
| 4 | Marakala Prasanna Kumari | మహిళా సాధికారతకు అంబేద్కర్ కృషి |
| 5 | Dr. Kadire Krishna | బహుజన రంగంలో ఎస్టీలు |
| 6 | Dr. Kathi Padma Rao | అంబేద్కర్‌కు పుస్తకాలతో ఉన్న అనుబంధం |
| 7 | Dr. Prakash Ambedkar (Grandson of Ambedkar) | నిజమైన అంబేద్కరిజం |
| 8 | Prof. Dr. Devarakonda Ramesh (AU) | బహుజన పితామహుల – మాతామహుల విద్య |
| 9 | PSN Murthy, Retd. IAS | రిజర్వేషన్ల స్థితి — లబ్ధిదారుని దృక్కోణం |
| 10 | Bamcef Chiranjeevi | ఆదివాసీలు ఎవరు? ఆధునిక భారత నిర్మాణంలో వారి పాత్ర |
| 11 | Prof. Dr. Gali Vinod Kumar (OU) | మహిళలు, ఎస్సీ, ఎస్టీలపై దాడులు, అక్రమాలు, అన్యాయాలు — ఒక సమీక్ష |
| 12 | Dr. K.S. Bhagya Rao, IRS-VRS | మీడియాపై అంబేద్కర్ ఆలోచనలు |
| 13 | Prof. Dr. PD Satyapal (AU) | ఎస్టీల మూలాలు — వాస్తవ చరిత్ర, నేటి పరిస్థితి |
| 14 | Dr. Pratyusha Subbarao (Psychologist) | గౌతమ బుద్ధ, మహాత్మా ఫూలే, బాబా సాహెబ్ అంబేద్కర్‌ల వ్యక్తిత్వం |
| 15 | Dr. S. Rajya Lakshmi (Women's Commission Member) | మహిళల చట్టాలు, హక్కులు, సాధికారత |
| 16 | Dr. Chukka Nagabhushanam (Lecturer) | బాబా సాహెబ్ అంబేద్కర్ భావజాలాన్ని ఎస్టీలు ఎందుకు తెలుసుకోవాలి? |
| 17 | Shankara Sura | ఆధునిక భారత నిర్మాణంలో మొదటివాడు — ఫూలే |
| 18 | Prof. Dr. Katta Subbarao | నేడు ఎంత సాంకేతికత అందుబాటులో ఉంది? దానిలో మనం ఎంత వాడుతున్నాం? |
| 19 | Bethala Sudarshanam | బహుజనుల ఉమ్మడి లక్ష్యాలు ఏమిటి? |
| 20 | Palaparthi Balaji | విశ్వ స్ఫూర్తి గౌతమ బుద్ధుని వాస్తవ ఘట్టాలు |
| 21 | Rasheed Mohmmed | Why cant muslims do social programmes with SC ST BC |
| 22 | Raghaghnath Machusushana Rao | Effective leadership |
| 23 | Chevuri Padmaja | Effective lecture |
| 24 | Prof. Dr. C. Pragna Paul (Geetams) | Contribution of Bahujan forefathers to women's empowerment |
| 25 | Palnati Sriramulu (Bahujana Keralatu) | Moments of Ambedkar Movement |
| 26 | Dr. Rajkumar Jadav Naik | Bahujan view of STs |
| 27 | K. Maheshwararaju (SC, ST Confederation) | Reservations - Representation - Constitution |
| 28 | P. Shankar (Dalit Bahujan Front) | Laws & Acts of the Bahujan's |
| 29 | Remrmalli Vijayakumar (BAMCEF) | Savitribai Phule's role in the country's progress |
| 30 | Prof. Dr. Chalapally Swarooparani (ANU) | Mahatma Jyoti Rao Phule's search for truth |
| 31 | Dr. Pratyusha Subbarao (Psychologist) | Love with children |
| 32 | Moka Sathibabu (SP) | What should STs do in today's contemporary social conditions? |
| 33 | Dr. Devarakonda Venkateswarlu | Annihilation of Caste |
| 34 | Dr. Devarakonda Venkateswarlu | Dr. B.R. Ambedkar role in freedom fight |
| 35 | Dr. Devarakonda Venkateswarlu | Dr. B.R. Ambedkar role in freedom fight |
| 35 | Dr. Devarakonda Venkateswarlu | Necessity of Sangh Constitution |
| 36 | Dr. Devarakonda Venkateswarlu | History of Indian Reservations & Sahu Maharaj |
| 37 | Dr. Devarakonda Venkateswarlu | History of Yekalavya & Yerukula Caste |
| 39 | Komaragiri Srinivasa Rao | Indian Educational Revolutionist Narayana Guru |
| 40 | Marakala Prasanna Kumari | Girl Child & Women Education, Phule-Savitribai Phule, Periyar Ramaswamy Naikar & The Day of Redemption of Telangana State |
43 తరగతుల్లో 1–20 వక్తలు ఇక్కడ ఇవ్వబడ్డారు. పూర్తి జాబితా సంఘ వార్షిక డైరీలో ఉంటుంది.
ఫోటో గ్యాలరీ
సంఘ కార్యక్రమాలు
సమావేశాలు, చైతన్య యాత్రలు, సేవా కార్యక్రమాలు, శిక్షణా తరగతుల ఛాయాచిత్రాలు.
బహుజన క్యాలెండర్
సంఘం నిర్వహించే కార్యక్రమాల తేదీలు
సంఘ డైరీలోని 83 ప్రత్యేక దినాల నుంచి ఎంపిక చేసినవి. నెలను ఎంచుకోండి.
1518 సంత్ కబీర్ వర్ధంతి
సావిత్రిబాయి ఫూలే జయంతి / మహిళా ఉపాధ్యాయ దినోత్సవం
1953 ఉస్మానియా యూనివర్సిటీ అంబేద్కర్‌కు డాక్టర్ ఆఫ్ లిటరేచర్ ప్రదానం
రిపబ్లిక్ డే
1919 సౌత్‌బారో కమిటీకి అంబేద్కర్ నివేదిక
1928 సైమన్ కమిషన్‌తో అంబేద్కర్ సమావేశం
1933 ఎర్రవాడ జైలులో గాంధీతో అంబేద్కర్ సమావేశం
1951 పార్లమెంట్‌లో హిందూ కోడ్ బిల్ ప్రవేశం
1897 రమాబాయి అంబేద్కర్ జయంతి
1948 భారత రాజ్యాంగ ముసాయిదా ప్రతి తయారు
1876 సంత్ గాడ్గే బాబా జయంతి
జాతీయ సైన్స్ దినోత్సవం
1930 కాలారాం ఆలయ ప్రవేశ పోరాట ఉద్యమం మొదలు
ప్రపంచ మహిళా దినోత్సవం
1897 సావిత్రిబాయి ఫూలే వర్ధంతి
1934 బహుజన నాయక్ కాన్షీరాం జయంతి
1956 షెడ్యూల్ కులాలను ఉద్దేశించి అంబేద్కర్ చారిత్రక ప్రసంగం
1927 మహద్ చెరువు నీళ్ల కొరకు అంబేద్కర్ నడిపిన మొదటి మానవ హక్కుల పోరాటం
2015 పర్వతారోహకుడు మల్లి మస్తాన్ బాబు వీరమరణం
1927 అంబేద్కర్ బహిష్కృత భారత్ పత్రిక ప్రారంభం
1906 రమాబాయితో అంబేద్కర్ వివాహం
1908 బాబూ జగ్జీవన్‌రామ్ జయంతి
ప్రపంచ ఆరోగ్య దినోత్సవం
1827 మహాత్మా జ్యోతిబా ఫూలే జయంతి
1992 పార్లమెంట్ సెంట్రల్ హాల్‌లో అంబేద్కర్ చిత్రపటం ఆవిష్కరణ
1891 అంబేద్కర్ జయంతి
ప్రపంచ కార్మిక దినోత్సవం
1924 అల్లూరి సీతారామరాజు వర్ధంతి
1889 ఫూలేకు ‘మహాత్మ’ బిరుదు ప్రదానం
1916 అంబేద్కర్ కొలంబియా యూనివర్సిటీకి కులాలపై పరిశోధనా గ్రంథం సమర్పణ
1946 భారత తాత్కాలిక ప్రభుత్వ స్థాపన, రాజ్యాంగ పరిషత్ ఏర్పాటు
1935 రమాబాయి అంబేద్కర్ వర్ధంతి
1920 సాహూ మహారాజ్, అంబేద్కర్‌ల మద్యపాన నిషేధంపై పిలుపు
1897 వెన్నెలకంటి రాఘవయ్య జయంతి / 1858 ఝల్కారీబాయి బలిదానం
1952 అంబేద్కర్‌కు కొలంబియా యూనివర్సిటీ డాక్టర్ ఆఫ్ లా ప్రదానం
1900 జననాయక్ బిర్సా ముండా వర్ధంతి
1946 అంబేద్కర్ సిద్ధార్థ కళాశాల స్థాపన
1874 సాహూ మహారాజ్ జయంతి
1456 సంత్ కబీర్ జయంతి
1851 ఫూలే దంపతులచే శూద్రులకు పాఠశాల
1897 అల్లూరి సీతారామరాజు జయంతి
జగ్జీవన్‌రామ్ వర్ధంతి
1942 బోధించు, పోరాడు, సమీకరించు అని అంబేద్కర్ పిలుపు
1947 అశోకచక్రం ఉండాలని తీర్మానం
1971 గుర్రం జాషువా వర్ధంతి
ప్రపంచ ఆదివాసీ దినోత్సవం
స్వాతంత్ర్య దినోత్సవం
1854 నారాయణగురు జయంతి / 1910 మదర్ థెరిస్సా జయంతి
1947 భారత ప్రథమ న్యాయశాఖ మంత్రిగా, రాజ్యాంగ రచనా సంఘం అధ్యక్షునిగా అంబేద్కర్ ఎన్నిక
1952 పి.టి. యాక్ట్ రద్దయిన రోజు
1974 మల్లి మస్తాన్ బాబు జయంతి
జాతీయ ఉపాధ్యాయ దినోత్సవం / 1997 మదర్ థెరిస్సా వర్ధంతి
ప్రపంచ అక్షరాస్యత దినోత్సవం
1851 ఫూలే దంపతులచే బాలికల కోసం పాఠశాల ఏర్పాటు
1878 పెరియార్ రామస్వామి జయంతి
1928 నారాయణగురు వర్ధంతి
అంబేద్కర్ ఆంధ్రా పర్యటన / పూనా ఒడంబడిక — బ్లాక్ డే
1951 అంబేద్కర్ మంత్రి పదవికి రాజీనామా
1895 గుర్రం జాషువా జయంతి
2010 ఎస్.ఆర్. శంకరన్ వర్ధంతి
1940 కొమరం భీమ్ వర్ధంతి
2006 కాన్షీరాం వర్ధంతి
దుర్మార్గమైన 1871 పి.టి. యాక్ట్ అమలైన రోజు
1956 అంబేద్కర్ బౌద్ధధర్మ స్వీకారం
1930 లండన్‌లో మొదటి రౌండ్ టేబుల్ సమావేశం
1901 కొమరం భీమ్ జయంతి / 1934 ఎస్.ఆర్. శంకరన్ జయంతి
1964 కళేకూరి ప్రసాద్ జయంతి
బుద్ధుడు, కబీర్, ఫూలే తన ఆదర్శం అని అంబేద్కర్ ప్రకటన
1875 బిర్సా ముండా జయంతి
1981 వెన్నెలకంటి రాఘవయ్య వర్ధంతి
1949 భారత రాజ్యాంగ దినం
1890 మహాత్మా ఫూలే వర్ధంతి
1948 ఆర్టికల్ 17 అస్పృశ్యత నిర్మూలన నిబంధన ఆమోదం
1978 కాన్షీరాం బామ్‌సెఫ్ స్థాపన / 1956 అంబేద్కర్ వర్ధంతి
1956 అంబేద్కర్ అంతిమయాత్ర
ప్రపంచ మానవ హక్కుల దినం
1922 సాహూ మహారాజ్ వర్ధంతి
1956 సంత్ గాడ్గే బాబా మహారాజ్ వర్ధంతి
1973 పెరియార్ రామస్వామి వర్ధంతి
1927 మనుస్మృతి దహన దినం
ఈ నెలకు వివరాలు లేవు.
నేను… నా సంఘం… నా ప్రతిజ్ఞా ప్రమాణం
సంఘం ఆశయాలకు – లక్ష్యాలకు అనుగుణంగా చిత్త శుద్ధితో – అంకిత భావంతో, నీతిగా – నిజాయితీగా, ధర్మంగా సమ సమాజ నిర్మాణం కోసం కృషి చేస్తానని… ఈ నా సంఘానికి వందేళ్ళకు పైబడిన కీర్తి – ప్రతిష్ఠలను మరియు సువర్ణ చరిత్రను సృష్టించడం కోసం మాటలతో పాటు చేతల్లో కూడా నా సమర్థతను నిరూపించుకుంటానని ప్రతిజ్ఞా ప్రమాణం చేస్తున్నాను.
జై ఆదివాసీ · జై బహుజన్ · జై సెక్యులరిజం · జై భీమ్ · జై భారత్
నాయకత్వం
సంఘ పదాధికారులు
జాతీయ, రాష్ట్ర, జిల్లా, అసెంబ్లీ నియోజకవర్గ, మండల కమిటీలతో పాటు విదేశాల్లో NRI కమిటీ.
డా. దేవరకొండ వెంకటేశ్వర్లు
జాతీయ అధ్యక్షులు · అపెక్స్ బాడీ చీఫ్ కో-ఆర్డినేటర్శ్రీమతి మరకాల ప్రసన్న కుమారి
రాష్ట్ర అధ్యక్షురాలు, తెలంగాణకమిటీ సభ్యులు
రాష్ట్ర, జిల్లా, మండల పదాధికారుల జాబితా త్వరలోసభ్యత్వం
సంఘంలో చేరండి
భారతదేశంలోని ప్రస్తుత, పదవీ విరమణ చేసిన ఎస్టీ అధికారులు, ఉద్యోగులు సభ్యత్వం పొందవచ్చు. మీ వివరాలు నింపండి — మీ రాష్ట్ర కమిటీ మిమ్మల్ని సంప్రదిస్తుంది.
కనీసం నెలలో నాలుగు గంటలు, మీ జాతి ప్రజలతో.
సంప్రదించండి
సంఘాన్ని సంప్రదించండి
ప్రధాన కార్యాలయం
అఖిల భారత ఆదివాసీ ఉద్యోగుల సంఘం (AISTEA)
రిజి. నం. 965 / 2019
డి.నెం: 3-241, ఎల్‌ఐజీ-97, ఏపీఎచ్‌బీ కాలనీ, సత్రంపాడు, ఏలూరు,
ఏలూరు జిల్లా – 534005, ఆంధ్రప్రదేశ్.
ఫోన్, ఇ-మెయిల్
ఉచిత కోచింగ్ వివరాలు
ప్రతిరోజు జూమ్ తరగతులు — గ్రూప్-4 నుంచి సివిల్స్ వరకు. లింక్ కోసం మమ్మల్ని సంప్రదించండి.